我哋9meowlab係一群90後年輕人，熱愛毛孩、珍惜生命，一齊創立咗呢個寵物用品網站。
由細到大，我哋每個人都養過貓貓狗狗，累積咗好多年嘅經驗，好清楚毛孩同主人之間嘅需要同埋小煩惱。見到身邊越來越多朋友將毛孩當作家人一樣照顧，但每次買用品、日常護理、搵可靠嘅暫托照顧，定係想幫流浪動物搵個溫暖嘅家，都會遇到好多困難同無助。所以我哋諗，點解唔由自己做起，打造一個真正為寵物同主人而設嘅一站式平台呢？
喺9meowlab，你唔單止搵到優質又平靚正嘅寵物用品，同埋專業可靠嘅寵物服務（例如遛狗服務,行為訓練等等），最重要係我哋一直身體力行做緊義工——自己親自暫托照顧流浪動物，耐心觀察佢哋嘅性格同需要，之後再用心幫佢哋安排合適嘅領養家庭。我哋希望每隻毛孩都唔使再流離失所，都可以搵到屬於自己嘅幸福。
我哋唔係只做生意，我哋係真心想將最安心、最方便、最有溫度嘅選擇帶畀每一位寵物家長。無論你係新手寵物主人，定係已經養咗好多年嘅老手，我哋都希望可以做你背後嘅可靠夥伴，一齊解決日常大大小小嘅問題，讓你同毛孩嘅生活更加輕鬆快樂。
希望大家多多支持我哋！每一次嘅購買、每一次嘅分享、每一次嘅留言，都係幫到我哋繼續去救助更多流浪動物，將愛心延續落去。
歡迎你加入我哋嘅寵物大家庭！
有需要隨時聯絡我哋，一齊為毛孩創造更好、更幸福嘅生活啦！❤️